លក្ខខណ្ឌនៃសេវាកម្ម

លក្ខខណ្ឌនៃសេវាកម្ម

Gartoon នឹងខិតខំអោយអស់លទ្ធភាពដើម្បីសម្រេចការងារអោយអតិថិជនបានយ៉ាងពេញជាទីចិត្តបំផុត។ យើងខ្ញុំនឹងឆ្លើយតបរាល់តម្រូវការរបស់អតិថិជនដោយផ្ដល់ជូននូវសេវាកម្មល្អ បទពិសោធន៍ជោគជ័យ និងការងារ ដែលមានគុណភាពខ្ពស់។ លក្ខខណ្ឌខាងក្រោមនេះ ត្រូវបានធ្វើឡើងដើម្បីធានាអោយបាននូវទំនុកចិត្តរវាង អតិថិជន និងក្រុមហ៊ុនយើងខ្ញុំ។

កម្មសិទ្ទ

អតិថិជននឹងទទួលបានសិទ្ធទាំងស្រុងក្នុងការប្រើប្រាស់ការឌីសាញ/វីដេអូគំនូរជីវចលដែលយើងខ្ញុំបង្កើតជូន បន្ទាប់ពីការបង់ថ្លៃសេវាកម្មគ្រប់ចំនួន។ មានន័យថារាល់ការងារដែលមិនទាន់បានបង់ថ្លៃសេវាកម្មគ្រប់យើងខ្ញុំ មិនទាន់អនុញ្ញាតិអោយលោកអ្នកយកទៅប្រើប្រាស់ជាដាច់ខាត។

មតិរយោបល់បស់អតិថិជន

អតិថិជនគួរតែប្រាប់ពីអ្វីដែលលោកអ្នកគិតថាសម រឺអ្វីដែលលោកអ្នកចង់បានអោយពួកយើងដឹងេជាមុន ដើម្បី ពួកយើងមានពេលវេលាគ្រប់គ្រាន់ក្នុងការសម្រេចបាននូវអ្វីដែលលោកអ្នកចង់បាន។ ក្រៅពីនេះអតិថិជនគួរតែ មានឯកសារដើម្បីបញ្ចាក់អោយកាន់តែច្បាស់អំពីចំណុចសំខាន់ទាំងឡាយដែលខ្លួនចង់បានពិតប្រាកដ។ សូមបញ្ជាក់ថាមុននឹងយើងខ្ញុំចាប់ផ្ដើមបំពេញនូវចំណុចទាំងឡាយដែលលោកអ្នកចង់បាន យើងខ្ញុំតម្រូវអោយ អតិថិជនធ្វើការព្រមព្រៀង (តាមរយៈអ៊ីមែល) រឺចុះហត្ថលេខា ដើម្បីបញ្ជាក់ជាមុនសិន។

ការបង់ថ្លៃសេវាកម្ម

ដោយសារយើងខ្ញុំត្រូវចំណាយច្រើនទាំងពេលវេលា ទាំងកម្លាំង និងការខិតខំប្រឹងប្រែងដើម្បីបង្កើតជាឌីសាញ /គំនូរជីវចលដ៏ល្អឥតខ្ចោះសម្រាប់លោកអ្នក ដូច្នេះយើងខ្ញុំសូមសំណូមពរអោយលោកអ្នកធ្វើការកក់ប្រាក់ 30% នៃតម្លៃសេវាកម្មជាមុនសិនមុននឹងយើងខ្ញុំចាប់ផ្ដើមបម្រើសេវាកម្មជូន។ Gartoon នឹងចាប់ផ្ដើមបម្រើសេវាកម្មជូន លោកអ្នកភ្លាមបន្ទាប់ពីទទួលបានប្រាក់កក់ហើយ។ តម្លៃដែលត្រូវបង់សម្រាប់សេវាកម្មដែលនៅសល់ 70 % ទៀត លោកអ្នកអាចអោយបង្គ្រប់នៅពេលចប់គម្រោងក៏បាន ប៉ុន្តែត្រូវបង់អោយបានមុនពេលដែលយើងខ្ញុំ ផ្ដល់ជូនលោកអ្នកនូវលទ្ធផលសម្រេច ព្រមទាំងឯកសារដើម។ សូមគោរពតាមគោលការណ៍ទាំងនេះទាំងអស់គ្នា ដើម្បីជៀសវាងវិវាទ។

កំណែ

Gartoon នឹងធ្វើកំណែជូនដោយឥតកំណត់ និងមិនរឹតត្បឹតដល់អតិថិជនក្នុងការកែកុនឡើយ។ ប៉ុន្តែកំណែ ទាំងនោះត្រូវធ្វើឡើងក្នុងបរិបទដែលមានក្នុងកិច្ចសន្យា។ ក្នុងករណីមិនមែនជាកំណែរ ប៉ុន្តែជាការងារបន្ថែមពី លើអ្វីដែលមិនមានក្នុងកិច្ចសន្យា យើងខ្ញុំនឹងធ្វើការប៉ាន់ស្មានតម្លៃដែលត្រូវបន្ថែមរួចស្នើរទៅដល់លោកអ្នកវិញ។ យើងខ្ញុំ ចង់ផ្ដល់សេវាកម្មដែលល្អដល់លោកអ្នក ប៉ុន្តែលោកអ្នកគួរតែយោគយល់ត្រង់ចំណុចនេះ ព្រោះតម្លៃដែល យើងខ្ញុំដាក់ក្នុងកិច្ចសន្យា ជាតម្លៃដ៏សមរម្យមួយដោយធៀបជាមួយនឹងសេវាកម្ម ដូច្នេះការកែកុនអោយលើសពី កិច្ចសន្យា យើងខ្ញុំត្រូវចំណាយពេល និងកម្លាំងបន្ថែម ដូច្នេះយើងខ្ញុំត្រូវធ្វើការស្នើរសុំថវិការបបន្ថែមដើម្បីអោយ សមស្របទៅតាមសេវាកម្ម បើមិនដូច្នេះអាចនាំអោយមានការខាតបង់យ៉ាងធ្ងន់ធ្ងរដល់យើងខ្ញុំ។

ការបន្ថែមការងារ និង ការផ្លាស់ប្ដូរមាតិការក្នុងគម្រោង

ការងារទាំងឡាយណាដែលបន្ថែមក្រោយកិច្ចព្រមព្រៀងនៃគម្រោង ត្រូវបានចាត់ទុកថាជាការបន្ថែមការងារ រឺការផ្លាស់ប្ដូរមាតិការក្នុងម្រោង។ ប្រសិនបើការបន្ថែមការងារ រឺការផ្លាស់ប្ដូរមាតិការក្នុងម្រោងមានច្រើនរហូត ដល់ថ្នាក់ប៉ះពាល់ដល់ការខាតបង់របស់យើងខ្ញុំ នោះយើងខ្ញុំនឹងធ្វើការស្នើរសុំថិវិការបន្ថែម ដោយយោងទៅតាម ទំហំការងារនោះ ដោយទាំងភាគីអតិថិជន និងយើងខ្ញុំត្រូវធ្វើការព្រមព្រៀងគ្នាលើការស្នើរសុំនេះជាមុនសិន មុននឹងចាប់ផ្ដើមបន្តការងារទៅមុខទៀត។

ការបម្រុងទុកឯកសារ

យើងខ្ញុំមិនធានារក្សារទុកឯកសារឌីសាញ/វីដេអូគំនូរជីវចល របស់លោកអ្នករក្នុងរយៈពេលយូរបន្ទាប់ពីចប់ គម្រោងឡើយ ដោយយើងខ្ញុំនឹងផ្ដល់ជូនឯកសារដែលពាក់ព័ន្ធនឹង គម្រោងទាំងអស់ដល់លោកអ្នកបន្ទាប់ពីធ្វើ គម្រោងចប់ ហើយតម្រូវអោយលោកអ្នករក្សារទុកឯកសារទាំងអស់នោះដោយខ្លួនឯង។

បញ្ហា និង កំហុស

អតិថិជនត្រូវធ្វើការផ្ទៀងផ្ទាត់មាតិការរបស់ខ្លួនរួមមានទាំង​អក្ខរាវិរុទ្ធអោយបានច្បាស់លាស់មុននឹងផ្ញើរមកកាន់យើងខ្ញុំដើម្បីជៀសវាងកំហុស ធ្វើអោយខាតបង់ពេលវេលាទាំងសងខាង។

កាលផុតកំណត់

Gartoon នឹងសម្រេចការងាររបស់លោកអ្នកអោយបានដូចកាលកំណត់ក្នុងកិច្ចសន្យា (លើកលែងករណីគ្រោះ អន្តរាយ)។ ដើម្បីធ្វើអោយបានទាន់ពេលកំណត់ យើងខ្ញុំសំណូមពរលោកអ្នកអោយធ្វើការឆ្លើយតបលឿនៗ ផងដែរលើកំណែរនីមួយៗ និងផ្ដល់អោយយើងខ្ញុំនូវមាតិការនានាដែលលោកអ្នកមានអោយបានលឿន ដើម្បី យកមកបង្កើតជាឌីសាញ/គំនូរជីវចល។ ។ ជាធម្មតាយើងខ្ញុំនឹងមិនធ្វើការងារណាមួយ ដែលគ្មានការព្រមព្រៀង ជាមុនពីលោកអ្នកឡើយ ការបណ្ដែតបណ្ដោយ ពេលវេលា ក្នុងសហប្រតិបត្តិការអាចប៉ះពាល់ដល់គម្រោង។ ទោះជាយ៉ាងណា ការបង់ថ្លៃសេវាកម្មនឹងធ្វើឡើងតាមពេលវេលាដែលបានកំណត់ដដែល។ បន្ទាប់ពីចុះ ហត្ថលេខា លោកអ្នកបានយល់ព្រមថានឹងអនុវត្តតាមជំហ៊ានទាំងនេះ។

ការលុបចោល

យើងខ្ញុំមិនធានាសងប្រាក់វិញក្នុងករណីលោកអ្នកលប់គម្រោង រឺឈប់ធ្វើគម្រោងឡើយ។ ក្នុងករណីអតិថិជន មិនឆ្លើយតបមកកាន់យើងខ្ញុំក្នុងរយៈពេល 30 ថ្ងៃ មានន័យថាលោកអ្នកលប់គម្រោងចោល រឺឈប់ធ្វើគម្រោងនេះ ហើយយើងខ្ញុំនឹងផ្អាកគម្រោងនេះ ។

សិទ្ធប្រើប្រាស់

យើងខ្ញុំនឹងមិនយកការងារដែលអតិថិជនជួលយើងខ្ញុំធ្វើទៅបង្ហាញជាសាធារណៈ ទោះក្នុងទម្រង់ណាក៏ដោយ ដោយគ្មានការអនុញ្ញាតិពីអតិថិជនដែលជាម្ចាស់គម្រោងឡើយ។

ការទំនាក់ទំនង

លោកអ្នកអាចទំនាក់ទំនងមកកាន់យើងខ្ញុំតាមរយៈទូរស័ព្ទ រឺអ៊ីមែលបានជារៀងរាល់ថ្ងៃ ពីថ្ងៃច័ន្ទដល់ថ្ងៃអាទិត្យ ម៉ោង 8:30ព្រឹក ដល់ 8:30យប់ រឺតាមរយៈការណាត់ជួបដែលពួកយើងព្រមព្រៀងគ្នា។ ការណាត់ជួបជាមួយអ្នក ឌីសាញ/អ្នកផលិតគំនូរជីវចល ត្រូវធ្វើឡើងក្នុងម៉ោងធ្វើការប៉ុណ្ណោះ។ រាល់កំណែទាំងឡាយត្រូវធ្វើ ការព្រមព្រៀងតាមរយៈអ៊ីមែល រឺហត្ថលេខា ដោយមិនត្រូវធ្វើឡើងតាមរយៈការនិយាយតែមាត់តាម ទូរស័ព្ទឡើយ។

ភាពសម្ងាត់

អតិថិជនត្រូវប្រាប់យើងខ្ញុំអោយដឹងមុនពេលចាប់ផ្ដើមធ្វើគម្រោងនូវភាពសម្ងាត់ រឺការប្រកាន់ទាំងឡាយដែល ទាក់ទងនឹងគម្រោង។

ចំណុចចុងក្រោយ

ដើម្បីអោយខ្ញុំអាចសម្រេចបានការងារដែលល្អសម្រាប់លោកអ្នក សូមលោកអ្នកចូលរួមក្នុងការទំនាក់ទំនងអោយ បានលឿននិងញឹកញាប់ ព្រោះដើម្បីការនៃគម្រោងដែលល្អគឺអាស្រ័យលើសហប្រតិបត្តិការដែលល្អ ទោះជា លោកអ្នកមិនបានយល់ច្បាស់ពីចំណុចណាមួយនៃគម្រោងនេះក៏ដោយ (ប៉ុន្តែយើងខ្ញុំនឹងខិតខំអោយអស់ពី លទ្ធភាពដើម្បីធ្វើអោយលោកអ្នកយល់)។ ជាទីបញ្ចប់ យើងខ្ញុំសូមសំណូមពរដល់អតិថិជនចូលរួមអោយ បានញឹកញាប់ក្នុងការត្រួតពិនិត្យ រឺផ្ដល់ជាយោបល់ ដល់ការងារដែលយើងខ្ញុំបានផលិតជូន ព្រោះយើងខ្ញុំមិនអាច សម្រេចការងារបានដោយគ្មានការចូលរួមពីលោកអ្នកឡើយ។